Plantun de Prouvènço

Pèr coumpara dos planto d'encò nostre

Prunus brigantina & Asplenium ceterach

Afatoulié

Prunus brigantina

Rosaceae

Àutri noum : Afatounié, Afatourié, Afàtou.

Nom en français : Prunier de Briançon.

Descripcioun :
L'afatoulié se recounèis l'estiéu à si afàtous (abrignoun, afatoun) verd pièi jaune. Flouris au printèms emé de pichòti flour blanco d'ounte sorton de lònguis estamino. Li fueio, que sèmblon à li de l'ambricoutié vènon bèn à l'après.

Usanço :
Se fai de counfituro emé lis afàtous (emé proun de sucre !), e d'òli de marmoto emé lis amandoun (meseioun). Fau aperaqui 10 000 amandoun pèr n'en faire un litre. J.-R. Fortoul, op.cit., ramento que lis afàtous èron descalagna dóu tèms di lòngui vihado. L'òli èi bon pèr la cousino e pèr sougna li macaduro e lou mau d'os. Se metié un tros de pan dins la sartan pèr leva la forto óudour de l'òli : "Lou pan surbiò lou gros dal fouort de l'óli, l'amarun". Lou darrié moulin s'arestè de vira en 1923 à Suzo (CN).

Port : Aubre
Taio : Pancaro entresigna
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Prunus
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Sebisso - Prado
Estànci : Subremediterran à Mountagnard
Couroulougi : Pancaro entresigna
Ref. sc. : Prunus brigantina Vill., 1786

Dauradeto

Asplenium ceterach

Aspleniaceae

Àutri noum : Erbo-daurado, Erbo-de-la-brasiero, Erbo-endaurado.

Noms en français : Cétérac, Doradille.

Descripcioun :
La dauradeto es uno planto coumuno que trachis sus li paret e roucas umide fin qu'à 1000 m d'aut. Se recounèis à si foundo duro e penado, verdo sus lou dessubre e cuberto d'escaumo rousso dessouto (erbo-daurado).

Usanço :
Ei couneigudo pèr sougna la brouchito e lucha contro lou tussi.

Port : Pichoto planto lignouso
Taio : 5 à 15 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo

Gènre : Asplenium
Famiho : Aspleniaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Paret - Relarg umide - Basso mountagno - Colo
Estànci : Coulinen à Mountagnard
Couroulougi : Pancaro entresigna
Ref. sc. : Asplenium ceterach L., 1753 (= Ceterach officinarum Willd. )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Prunus brigantina & Asplenium ceterach

ges

Coumpara Afatoulié emé uno autro planto

Coumpara Dauradeto emé uno autro planto